رايكم ب لومينا 2004

كان معي لومينا 2004
شريتها عام 2008 وكانت ماشية 100 ألف تقريباً
السيارة المفروض تكون جديدة وممشاها معقول وما تطلب صيانة
لكن للأسف العكس تماماً
خلال استخدام سنة ونص غيرت الفرامل 4 مرات ودائماً كان فيها رجة وهذا الموديل من اللومينا والكابرس قماش الفرامل صغير وما يتحمل وزن السيارة
وغيرت طرمبة الماء مرتين
انكسرت قطعة بلاستيك صغيرة في الهاند بريك وغيرت اليد كاملة
سيخت الراديتر مرتين والسبب أنه المكينة تعمل ترسبات باستمرار والراديتر من الاسفل يتقفل
غيرت طقم مراوح
بلف كمبروسر المكيف وعبيت فريون

نصيحة لوجه الله ابعد عن اللومينا خصوصاً بعد مرور 15 سنة على موديلها لأنك خلال سنة رح تعرف كل الورش وقطع الغيار

خذ صني وتوكل على الله

يعني لو قلت اي سيارة ثانية موديل ٢٠٠٤ بقول قديمة وماتنفع، فما بالك باللومينا!! لو اخر موديل ما اخذها. 
وبعدين كل اللي انت كاتبه فوق، فيها. يعني صرفية بنزين، تصرف وجننتني وقتها البنزين ب ٤٥ هللة وتقارنها بالصني!! 
قطع الغيار لو رخيصة لأن اكثرها درحة ثانية ولا تطول وتخرب، وحتى لو القطع رخيصة، ايش بستفيد وهي كل يوم في ورشة! وبالنسبة للحرارة ايه تسخن وطرمبة الموية تتعطل فجأه وتهريبات ما اقدر اوصفلك من كثرها. شوف موديلات ٢٠١٢ وفوق اكثرها موقفه عند الفحص الدوري و في الورش مغبرة والباقي تشاليخ. 
نصيحة خليك على الصني او خذ ريو أفضل بكثير. 

الله يعطيكم العاااافية ع الإفادة 
كنت أبغاها لولد أختي مب لي 
لكن دام ذي مشاكلها يخلف الله

ماتصلح وموتر اذا فتح فمه ماعاد تسكره كانت مع خالي وحده غير شداد السير ثلاث مرات ورديتر ودايم تحتر دوره له اكسنت ولا يارس والله تكد كد حمير الله يكرم من يقراء وصرفيه ممتاز وقطع رخص التراب

اي سيارة تشوفها مختفية من الشوارع اعرف انها مضرووبة
واللومينا اشهر من راس على علم بالخرابات السيارة مختفية ونادر اشاهدها الان إلا في مجمعات الورش مرمية

اذا بتشتريها وتخليها زينه بالحوش او الاولاد يلعبون فيها وبيعطيك اياها ب 100 ريال
خذها



اما استخدام لك شخصياً

هذا وجهي ولاورشه الا بيتعرف عليك وتكون الزبون الاول

ياويلكم من إبراهيم التركي ولا واحد فيكم مدحها ههههههههههههههههه

اظاهر ماعاد يبعون قطع غيار لها ونادر تحصل القطع حقتها بتتعب اذا خرب شي فيها فمابالك اذا السياره كثيره الخرابات

في اشخاص ماجربو سيارات او يعرفو احد ويسبوها لكن له نظره انا بالنسبه لي استخدمت اللومينا من عام 2009 ولا زالت موجوده لان معاي سياره جديده لان هي سياره ثانيه الان اول شي القطع رخيصه ومتوفره الشي الثاني السياره حسب الاستخدام اذا كان استخدامك سرعه وتفحيط ماراح تعيش معك واذا انت لاراعي سرعه وقومات ورجلك خفيفه عالسياره راح تعيش معك سنين وهذي هي خدمتني السنين الماضيه وموجوده ولا استخدمها كثير 

نسيت لا اذكر الموديل 2002

كان معاي لومينا ٢٠٠١ عام ٢٠٠٥ كانت استخدام شخص واحد من العيسى يوم اخذتها تعبتني بالرجة وجلب المقصات ومساعدات وفحمات وخرط هوبات وحرارة حرارة دايما كلمة HOT بوجهك بالزحمات رحت فيها سوريا خرب علي مبرد القير جلست اسبوع واقفة وطلبت لها مبرد من الرياض نكبتني 

وللعلم نفس الماكينة من عام ٩٩ لين ٢٠٠٤ ٣،٨ لتر ١٩٥ حصان افشل ماكينة

الناس ماسلموا منها وهي موديل سنتها فما بالك مستخدمه من ١٥ سنة خذلك صني اصرف لك

كل شخص واستخدامه
اعرف شخصين عندهم لومينا وللحين يستخدمها
شوف خذها مني اللومينا يبيلها عنايه تغير الزيت بوقته وتسويها تصفيه كل شهرين تشيك عليها لأنها حساسه
خذ حق ولد اختك سياره صغيره صني افضل له ولا اكسنت تكد معه وقطع غيار رخييصه افضل له من اللومينا
بالتوفيق عزيزي